Recriwtio Aelod Senedd Ieuenctid

Mae Etholiad Senedd Ieuenctid y DU ar y gweill yn y flwyddyn newydd!
Mae gan Rondda Cynon Taf ddau le i bobl ifanc ein cynrychioli ni yn Senedd Ieuenctid y DU
Mae tymor newydd yn y swydd ar y gorwel ac mae angen i bobl ifainc ledled RhCT ein helpu i bleidleisio dros ein dau gynrychiolydd nesaf.

BETH YW SENEDD IEUENCTID Y DU (UKYP)?

Senedd Ieuenctid y DU (UKYP)
Yn bennaf, bydd Senedd Ieuenctid y DU yn sicrhau bod pobl ifainc y Deyrnas Unedig yn cael dweud eu dweud ar unrhyw fater sy’n effeithio arnyn nhw, fel y nodir yn Erthygl 12 o Gonfensiwn y Cenhedloedd Unedig ar Hawliau’r Plentyn.
Mae Senedd Ieuenctid y DU a’i haelodau yn ceisio dylanwadu ar bolisi a phenderfyniadau sy’n effeithio ar bobl ifainc, ar bob lefel.

Mae’n cynnwys mwy na 300 o bobl ifainc rhwng 11 a 18 oed, sydd wedi’u hethol yn Aelodau o’r Senedd Ieuenctid i gynrychioli barn eu cyfoedion.
Mae’n darparu cyfleoedd i bobl ifainc sicrhau newid cymdeithasol drwy gynrychiolaeth ac ymgyrchu ystyrlon.

Mae pobl ifainc yn pleidleisio dros eu Haelodau o’r Senedd Ieuenctid mewn etholiadau
bob dwy flynedd!
Mae tymor swydd Senedd Ieuenctid y DU yn dechrau ar 1 Ebrill ac yn dod i ben ar 31 Mawrth.

Ni’n Eisiau: Panel Ieuenctid

• 18 Rhagfyr 2025
• Lleoliad: Ar-lein
• Amser: 4:30pm – 6:00pm

Rydyn ni’n chwilio am banel o 8 person ifanc diduedd i’n helpu ni i ddewis enwau o blith
yr ymgeiswyr ar gyfer Aelodau o’r Llywodraeth Ieuenctid (ALlI) ar gyfer Mawrth 2026 – Mawrth 2028.
Rôl MYP yw bod yn llais pobl ifainc ledled RhCT, ar lefel genedlaethol.
Rôl aelodau’r panel fydd dewis enwau o blith yr ymgeiswyr sydd wedi cyflwyno
ceisiadau, er mwyn cael ein pum ymgeisydd terfynol yn barod ar gyfer y bleidlais yn y flwyddyn newydd!
Os hoffech chi fod yn rhan o’r panel yma, gofynnwch i’ch gweithiwr Gwasanaeth Ymgysylltu a Chyfranogiad Ieuenctid yn eich clwb ieuenctid neu ysgol am ffurflen mynegi diddordeb, a’i dychwelyd i’r gweithiwr erbyn 5 Rhagfyr 2025.