YEPS

Amdanom Ni

Pwy yw YEPS?

Mae’r Gwasanaeth Ymgysylltu a Chyfranogiad Ieuenctid (YEPS) yn darparu’r Gwasanaeth Ieuenctid statudol ar gyfer Cyngor Bwrdeistref Sirol Rhondda Cynon Taf. Caiff y gwasanaeth yma ei ddarparu gan weithlu o staff cymwys sy’n cynnwys gweithwyr yn yr ysgol, gweithwyr ieuenctid yn y gymuned, carfanau gwaith ieuenctid arbenigol a staff rhan-amser medrus.
Cliciwch yma i gwrdd â’n tîm.

Beth ni’n wneud

Mae YEPS yn cynnig mynediad i amrywiaeth o weithgareddau AM DDIM ar draws nifer o ysgolion a lleoliadau ieuenctid i bobl ifainc rhwng 11 a 25 oed.  Mae’r rhain yn cynnwys gweithgareddau ar ôl ysgol a chlybiau ieuenctid. Ar hyn o bryd mae clybiau ieuenctid yn rhedeg rhwng 6pm ac 8pm o ddydd Llun i ddydd Gwener. A thithau’n berson ifanc mae modd i ti gymryd rhan trwy weld dy weithiwr YEPS mewn ysgolion, colegau, neu drwy’r wefan.
Mae YEPS yn darparu gwybodaeth, cyngor ac arweiniad i bobl ifainc , un-i-un (gwaith atgyfeirio) a/neu sesiynau grŵp. 

Dyma’r hyn mae YEPS yn ei gynnig:

Cwrdd â Chriw YEPS

Carfan Ymgysylltu â’r Gymuned ac Ysgolion 

19 Swyddog Ymgysylltu Ieuenctid – 17 ym mhob ysgol uwchradd a 2 arall yn y gymuned, er mwyn rhoi cymorth i bobl ifainc ag Anghenion Dysgu Ychwanegol, a’r rhai sy’n cael eu haddysg heblaw mewn ysgolion prif ffrwd. 

Swyddogion Ymgysylltu a Chynnydd Ieuenctid  

6 Chydlynydd Ymgysylltu Arlwy Ieuenctid yn y Gymuned (CYCIG) 

Mae pob CYCIG yn gyfrifol am ardal benodol yn Rhondda Cynon Taf ac yn arwain y gwaith o gydgysylltu holl raglenni gweithgareddau YEPS gan gynnwys: 

Byddwch â’ch bys ar y botwm trwy gadw llygad ar yr adran Be sy ‘Mlaen ar ein gwefan a’n sianeli cyfryngau cymdeithasol. Yno cewch wybod yr wybodaeth ddiweddaraf am yr holl weithgareddau sy’n digwydd yn eich ardal. 

Swyddogion Iechyd Meddwl a Lles  

Gweithwyr Cymorth Pontio  

Swyddog Digartrefedd Ieuenctid 

Swyddog Addysg Ieuenctid – Digartrefedd 

Swyddog Datblygu Digidol  

Swyddog Cyfathrebu a Hawliau  

Swyddogion Cymorth Ymgysylltu (SCY) 

Y print mân (ond yn fwy o faint!)

Caiff YEPS.wales a YEPS eu cefnogi a’u hariannu gan Lywodraeth Cymru er mwyn gweithio â phobl ifainc rhwng 11 a 25 oed yn Rhondda Cynon Taf.

Rydyn ni’n cymryd diogelwch ar-lein a diogelu plant o ddifrif. Bydd unrhyw sylwadau sy’n cael eu cyhoeddi ar y wefan, neu unrhyw rwydweithiau cymdeithasol sy’n gysylltiedig â YEPS.Wales a YEPS yn cael eu gwirio. Fydd sylwadau/negeseuon amhriodol ddim yn cael eu cyhoeddi’n fyw.

Byddwn ni’n mynd ati i frwydro yn erbyn pob math o fwlio a gwahaniaethu a rydyn ni’n gweithio mewn partneriaeth â’r Heddlu i ddiogelu plant a phobl ifanc yn erbyn ecsbloetio ar-lein ac rydyn ni’n annog ein haelodau, defnyddwyr ac ymwelwyr â’r wefan i roi gwybod am unrhyw ddigwyddiadau drwy fotwm CEOP ar waelod yr hafan.

Rydyn ni’n cadw’r hawl i dynnu unrhyw gynnwys o’r wefan neu gyfrifon cyfryngau cymdeithasol; a gwrthod cyhoeddi unrhyw gynnwys newydd, os yw’n torri canllawiau cymunedol y wefan. Efallai byddwn ni’n diwygio neu rwystro eich cyfrif heb rybudd os ydych yn torri’r canllawiau cymunedol.

Ni allwn dderbyn cyfrifoldeb am unrhyw golled ddata ar y safle neu ar gyfer cynnwys y safleoedd allanol yr ydych chi wedi defnyddio drwy ddolenni ar y wefan hon neu ein cyfrifon cyfryngau cymdeithasol.

Rydyn ni’n ymrwymo i gadw eich data personol yn ddiogel ac i roi gwybod sut rydyn ni’n defnyddio eich gwybodaeth. I gael rhagor o wybodaeth ynglŷn â sut rydyn ni’n cadw eich data yn breifat cliciwch YMA a I gael rhagor o wybodaeth ynglŷn â sut rydyn ni’n defnyddio eich data personol cliciwch YMA.

Exit mobile version